លោកប៉ឹល កុសលបើកកិច្ចប្រជុំពិភាក្សាលើបញ្ហារៀចចំចិញ្ចើមផ្លូវចាប់ពីស្តុបផ្សារដីហុយ
27-July-2016 | ដោយ មែន កំសត់
ភ្នំពេញ៖នារសៀលថ្ងៃទី ២៦ ខែកក្កដា ឆ្នាំ២០១៦ លោក ប៉ឺល កុសល អភិបាលនៃគណៈអភិបាលខណ្ឌសែនសុខបានអញ្ជើញ ជាអធិបតីក្នុងកិច្ចប្រជុំពិភាក្សាលើបញ្ហារៀចចំចិញ្ចើមផ្លូវចាប់ពីស្តុបផ្សារដីហុយដល់ប្រឡាយអូរអាគុជ ជូនប្រជាពលរដ្ឋក្នុងសង្កាត់ភ្នំពេញថ្មី ដោយមានការចូលរួមពី លោកនាយករដ្ឋបាលខណ្ឌ លោកចៅសង្កាត់ភ្នំពេញថ្មី លោកមេភូមិភ្នំពេញថ្មី តំណាងក្រុម ហ៊ុន T-RO និងតំណាងប្រជាពលរដ្ឋប្រមាណជិត ២០នាក់។
ក្នុងឱកាសនោះដែរលោកប៉ឹល កុសល បានលើកថាសាលាក្រុងបានធ្វើផ្លូវបេតុងបានស្អាត និងមានគុណភាពល្អហើយ ដូច្នេះ សូមបងប្អូនទាំងអស់មេត្តាជួយសហការណ៍ល្អ ដាក់កូរ៉ូឡាមុខផ្ទះ អោយបានគ្រប់ៗគ្នា ដើម្បីលើកកំពស់សោភ័ណ្ឌភាពតាមដងផ្លូវ កាន់តែល្អប្រសើរឡើង លោកបន្តទៀតថាតំណាងក្រុមហ៊ុនត្រូវយកចិត្តទុកដាក់ រៀបចំនិងដាក់ការ៉ូឡាទៅតាមស្តង់ដារ និងរួចរាល់ទៅតាមពេលវេលាដែលបានកំណត់។
កិច្ចពិភាក្សាចុងក្រោយដោយ តំណាងប្រជាពលរដ្ឋ និងតំណាងក្រុមហ៊ុនបានឯកភាពគ្នាក្នុងតំលៃ ៩ដុល្លារ ក្នុង១ម៉ែត្រការ៉េ ។ លោក ប៉ឹល កុសល សំដែងក្តីរំភើប និងថ្លែងអំណរគុណចំពោះការឯកភាពគ្នារវាងបងប្អូនប្រជាពលរដ្ឋ និងតំណាងក្រុមហ៊ុនដោយបងប្អូនបានចូលរួមចំណែកក្នុងការអភិវឌ្ឍន៍ក្នុងមូលដ្ឋានរបស់ខ្លួនអោយមានការប្រែលប្រួលមុខមាត់ថ្មីមួយកំរិតទៀត ៕
ចំនួនអ្នកទស្សនា
- ថ្ងៃនេះ2621
- ម្សិលមិញ12561
- សប្តាហ៍នេះ30571
- ខែនេះ52451
- ឆ្នាំនេះ52451
- សរុប20494907